QR Densawlıqtı saqlaw ministrligi baslaması QR Ishki isler ministrligi menen birgelikte Respublikalıq qánigelestirilgen ana hám bala salamatlıǵı ilimiy ámeliy medicina orayı Qaraqalpaqstan Respublikası filialında adam sawdasına qarsı gúresiw, náresteler sawdasınıń aldın alıw, ómir hám densawlıqqa zıyan keltiretuǵın jınayatlardıń aldın alıw boyınsha medicina xızmetkerlerine keń túrde túsinikler beriw maqsetinde, úgit-násiyatlaw ilajı ámelge asırıldı.
Ilajda QR Densawlıqtı saqlaw ministriniń “Ana hám balalıqtı qorǵaw” boyınsha orınbasarı G.Abdisametova, QR Ishki isler ministrligi Jınayat izlew basqarması Adam sawdasına qarsı gúresiw bólimi xızmetkeri, podpolkovnik X.Djabbiev, Respublikalıq qánigelestirilgen ana hám bala salamatlıǵı ilimiy ámeliy medicina orayı Qaraqalpaqstan Respublikası filialı direktorınıń orınbasarı Z.Sipatdinov hám medicina xızmetkerleri qatnastı.
Onda joqarıda atap ótilgen unamsız illetlerdiń aldın alıwda hár bir puqara tereń juwapkershilikti seziwi, usınday jaǵdaylarǵa gúwa bolsa, tiyisli orınlarǵa múrájat etiwi kerek ekenligi atap ótildi. Usı sheńberde, adam sawdası jınayatı ushın Nızamda belgilengen statyalar hám juwapkershilik máseleleri boyınsha qosımsha maǵlıwmatlar keltirilgen.
Qatnasıwshılar ózlerin qızıqtırǵan sorawlarına tiyisli juwaplar aldı.
QR Densawlıqtı saqlaw ministrligi
Málimleme xızmeti
