Ájiniyaz atındaǵı Nókis mámleketlik pedagogikalıq institutı, Berdaq atındaǵı Qaraqalpaq mámleketlik universiteti, Qaraqalpaqstan awıl xojalıǵı hám agrotexnologiyalar institutı student-jasları arasında Puqaralıq baslamaların qollap-quwatlaw orayı Qaraqalpaqstan aymaqlıq bólimi tárepinen BMShtıń YUNFPA qorı tárepinen qarjılandırılǵan “Zorlıqqa qarsı 16 kún” kampaniyası sheńberinde “Erkekler hám ul balalardı gender teńlikti alǵa qoyıw hám hayal-qızlarǵa bolǵan zorlıqtıń barlıq túrleriniń aldın alıwǵa tartıw” atamasında dógerek sáwbetleri shólkemlestirildi.

Qaraqalpaqstan Respublikası AIJSqa qarsı gúresiw orayı shıpakeri Pwlat Hojiev hám Puqaralıq baslamaların qollap-quwatlaw orayı Qaraqalpaqstan aymaqlıq bólimi eksperti Nuratdin Abipovlar qatnasıwshılar menen shańaraq psixologiyası, gender teńligi, reproduktiv salamatlıq, AIV profilaktikası hám jámiyette zorlıqtıń aldın alıw boyınsha pikirleri menen bólisti.