Ózbekstan Respublikası Bas prokurorınıń birinshi orınbasarı B.Valiev basshılıǵındaǵı Respublikalıq uyımlararalıq muwapıqlastırıwshı shtab Prezidentimizdiń 2026-jıl 5-yanvardaǵı “Respublika máhállelerinde qáwipsiz ortalıqtı jaratıw boyınsha bir pútin mánzilli jumıs sistemasın engiziwge qaratılǵan qosımsha ilajlar haqqında”ǵı PQ-1-sanlı hám “2026-jılı respublika máhállelerinde jınayachılıqtıń erte aldın alıw nátiyjeliligin bunnan bılay da arttırıw boyınsha shólkemlestiriwshilik ilajlar haqqında”ǵı PQ-2-sanlı qararlarınıń orınlanıwın támiyinlew baǵdarındaǵı jumıslardı úyreniw maqsetinde respublikamızdıń bir qatar orınlarında boldı.

Atap aytqanda, shtab aǵzaları Nókis qalasındaǵı Anasay mákan puqaralar jıyını aymaǵındaǵı 8-sanlı shańaraqlıq poliklinikada bolıp, Densawlıqtı saqlaw ministrligi tárepinen jámiet tınıshlıǵı ushın qáwipli toparǵa kiriwshi shaxslar, sonıń ishinde, spirtli ishimlik hám náshebentlikke berilgenlerdi profilaktikalıq salamatlandırıw baǵdarında ámelge asırılǵan jumıslar menen tanıstı.

Úyreniwler dawamında shtab aǵzaları poliklinikanı Respublikalıq qánigelestirilgen ruwxıy salamatlıq ilimiy-ámeliy medicina orayın psixiatr-qánigeler menen tolıq támiyinlew, xızmetkerlerdiń mamanlıǵın turaqlı túrde arttırıp barıw, qosımsha emlew ushın orınlardıń sanın kóbeytiw, qáwip toparına kiretuǵın, biraq “D” esabına alınbay qalǵan shaxslardı anıqlaw hám salamatlandırıw, migraciyadan kelgenlerdi anıqlaw hám tolıq medicinalıq tekseriwden ótkeriliwin támiyinlew boyınsha ministrlik basshılarına tapsırmalar berdi.

Sonday-aq, máhállelerde medicina brigadaları kesiminde jumıslardı úlgili ámelge asırıp kiyatırǵan bir topar medicina miyirbiykelerin xoshametlew boyınsha kórsetpeler berildi.