Búgin, Nókis qalalıq medicina birlespesi baslıǵınıń orınbasarı Rayxan Najimova tárepinen “Máhálle kesiminde” ótkeriletuǵın kóshpeli qabıllawlar kestesine muwapıq 9-sanlı shańaraqlıq poliklinika aymaǵında xalıqtıń múrájatları úyrenildi.

Bunday kóshpeli qabıllawlardıń tiykarǵı maqseti xalıqtıń tarawǵa baylanıslı mashqala hám máselelerin úyreniw, olardıń sheshimine járdemlesiw, mashqalalardı saplastırıw ilajların belgilew hám eń áhmietlisi, xalıqtıń medicinalıq xızmetlerden qanaatlanıw dárejesin arttırıwdan ibarat.

Qabıllaw dawamında R.Najimova 9-sanlı shańaraqlıq poliklinikaǵa qaraslı “Ámiwdárya” MPJ turǵınları menen ushırasıp, olardıń múrájatların tıńladı. Jámi 13 múrájat kelip tústi. Atap aytqanda:

3 múrájat qalalıq medicina mákemelerinde emleniw máselesi boyınsha;

2 múrájat kóp tarmaqlı oraylıq emlewxanada emleniw boyınsha;

3 múrájat xirurgiyalıq operaciya ushın jeńilletilgen jollama alıw máselesinde;

2 múrájat mayıplıq belgilew procesindegi mashqalalar boyınsha;

1 múrájat poliklinikaǵa jumısqa jaylasıw boyınsha;

2 múrájat basqa máseleler boyınsha boldı.

Múrájatlardıń emleniwge baylanıslı bólegi ornında sheshildi. Qalǵan, tiyisli shólkemler menen birgelikte sheshimin talap etetuǵın máseleler belgilengen tártipte dizimge alınıp, olardı sheshiw boyınsha puqaralarǵa tiyisli túsinikler berildi.