Ǵárezsizligimizdiń 35 jıllıq bayramın múnásip kútip alıw, máhálle hám kóshelerdi abat etiw, shańaraqlardıń tazalıǵın támiyinlew hám aymaqlarda tazalıq mádeniyatın bunnan bılay da arttırıw maqsetinde Qaraqalpaqstan Respublikası Densawlıqtı saqlaw ministrligine qaraslı barlıq medicina mákemelerinde “Áhmiyetli 40 kúnlik” sheńberinde keń kólemli abadanlastırıw hám kóklemzarlastırıw jumısları shólkemleskenlik penen alıp barılmaqta.

Bul iygilikli baslama sheńberinde Nókis qalalıq medicina birlespesi hám shańaraqlıq poliklinika medicina xızmetkerleri de belsene qatnasıp, mákeme aymaqları, jasıl maydanlar, gúlzarlar hám kiriw jolların tártipke keltiriw, sanitariyalıq-tazalıq jumısların ámelge asırıw arqalı abadanlastırıw jumıslarına ózleriniń múnásip úleslerin qospaqta.

Abat hám azada ortalıqtı jaratıw, ekologiyalıq mádeniyattı arttırıw jáne xalıq ushın jáne de qolaylı sharayatlar jaratıwǵa qaratılǵan bunday iygilikli ilajlar elede dawam etedi.