Respublikalıq tez medicinalıq járdem orayınıń Qaraqalpaqstan filialında Ashıqlıq indeksi indikatorların nátiyjeli jolǵa qoyıw máselelerine baǵıshlanǵan májilis bolıp ótti.
Májiliske Qaraqalpaqstan Respublikası Densawlıqtı saqlaw ministrligi Komplayens hám korrupciyaǵa qarsı ishki qadaǵalaw basqarmasınıń Qaraqalpaqstan Respublikası boyınsha bas qánigesi R.Nurımbetov basshılıq etti.
Dodalaw dawamında Ashıqlıq indeksi sheńberinde belgilengen indikatorlardıń mazmun-mánisi, olardıń orınlanıwın támiyinlew, bar kemshiliklerdi anıqlaw hám saplastırıw, ashıq maǵlıwmatlardı ministrliktiń veb-saytına óz waqtında hám tolıq jaylastırıw máselelerine ayrıqsha itibar qaratıldı.
Sonday-aq, indikatorlar boyınsha maǵlıwmatlardıń tolıqlıǵı, haqıyqıylıǵı, áhmiyetliligi hám jámiyetshilik ushın ashıq-aydınlıǵın támiyinlew zárúr ekenligi atap ótildi.
Májilis juwmaǵında barlıq xızmetkerlerge korrupciyaǵa qarsı gúresiw, korrupciyalıq jaǵdaylardıń aldın alıw, mápler soqlıǵısıwına jol qoymaw jáne xızmet jumısın belgilengen tártip hám normativlik-huqıqıy hújjetler talapları tiykarında shólkemlestiriw zárúrligi qatań atap ótildi.
Xızmetkerlerge óz xızmet wazıypaların orınlawda nızamlılıq, hadallıq, qalıslıq hám juwapkershilik principlerine qatań ámel etiw, sonday-aq, korrupciyaǵa baylanıslı huqıqbuzarlıqlardıń hár qanday kórinisine mawasasız qatnasta bolıw zárúr ekenligi esletildi.
