Ҳәзирде район медицина бирлеспесинде қурамалы операция әмелге асырылыпты-деген гәпти еситсе көп адам ҳайран қалмаса керек.
Себеби қурамалы операциялардың көпшилиги район медицина бирлеспесинде әмелге асырылып келинбекте.
Бундай имканият әлбетте наўқас ушын мүмкиншиликлердиң бири.Себеби наўқас пайтахтқа ямаса басқа жерге емлеўханаларға бармастан, район медицина бирлеспесинде операция болады.Усындай қурамалы операциялардың бири, Тахтакөпир районы медицина бирлеспеси хирургия бөлиминде әмелге асырылды.Район турғыны Н.Оспановакөп жыллардан берли өт тас кеселлиги ҳәм өткир холецист ҳәм аўыр дәрежедеги семизлик наўқаслығы менен аўырып келетуғын еди.Бул наўқас район медицина бирлеспесинде шыпакерлер тәрепинен медициналық тексериўлерден өткерилди ҳәм операцияа болды.Лапроскопиялық операцияны район медицина бирлеспесиниң хирург шыпакерлери Ш.Қалбаев, Б.Айтеков ҳәм Республикалық тез жәрдем илимий әмелий орайы Қарақалпақстан филиалы хирург шыпакери А.Қарлыбаевлар тәрепинен әмелге асырылды.
