Búgin Qaraqalpaqstan Respublikası densawlıqtı saqlaw ministrliginde ministrlik hákimshiligi hám kásiplik awqam komiteti arasında 2023-2025-jıllar ushın qabıl etilgen jámáátlik shártnamasınıń 2024-jılda orınlanıwı boyınsha miynet jámáátiniń, sonday-aq kásiplik awqam shólkeminiń esabat-saylaw jıynalısı ótkerildi.

Jıynalısta Ózbekstan kásiplik awqamları Federaciyası tárepinen Qaraqalpaqstan Respublikasına biriktirilgen wákil B.Sultonov, Ózbekstan densawlıqtı saqlaw xızmetkerleri kásiplik awqamınıń Qaraqalpaqstan Respublikası keńesi baslıǵı L.Baybosınova hám Qaraqalpaqstan Respublikası densawlıqtı saqlaw ministrligi xızmetkerleri qatnastı.

Jámáátlik shártnamanıń 2024-jılda orınlanıwı boyınsha maǵlıwmatlar berilip, jıynalıs qatnasıwshıları tárepinen jámáátlik shártnamanıń orınlanıwı qanaatlandırarlı dep bahalandı.

Sonday-aq, kásiplik awqam shólkeminiń esabat-saylaw jıynalısında kásiplik awqamı shólkeminiń esabat dáwirindegi jumısına qanaatlandırarlı dep baha berildi hám jıynalısta alternativlik tiykarda baslanǵısh kásiplik awqamı shólkemi baslıǵı saylanıp, komitet aǵzalarına dublyorlar belgilenip alınıp, tekseriw komissiyası aǵzaları hám baslıǵı saylandı.

Qaraqalpaqstan Respublikası densawlıqtı saqlaw ministrligi Málimleme  xızmeti