QARAQALPAQSTAN RESPUBLIKASINDA PREZIDENT PÁRMANINIŃ ORINLANIWI ÚYRENILMEKTE

2026-jıl 2-7-noyabr kúnleri Ózbekstan Respublikası Prezidentiniń 2025-jıl 3-noyabrdegi Náshebentlik hám narkojınayachılıqtan xalıqtıń salamatlıǵın qorǵawǵa qaratılǵan PP-207-sanlı Pármanınıń orınlanıwı boyınsha Qaraqalpaqstan Respublikasında úyreniw jumısları alıp barılıwı rejelestirilgen.

Ózbekstan Respublikası Prezidenti Administraciyası janındaǵı Narkotikler hám oqatar qurallardı qadaǵalaw agentliginiń wákilleri Respublikalıq qánigelestirilgen ruwxıy salamatlıq ilimiy-ámeliy medicina orayınıń narkologiya xızmeti boyınsha Qaraqalpaqstan Respublikası filialına barıp, náshebentliktiń aldın alıw, narkologiyalıq járdemdi shólkemlestiriw hám profilaktika jumısların kúsheytiw baǵdarındaǵı jumıslar menen tanıstı.

Sonday-aq, Kegeyli hám Xojeli rayonlıq medicina birlespelerindegi narkologiya xanaları hám más halındaǵı shaxslarǵa medicinalıq járdem kórsetiw boyınsha rayonlararalıq punkttiń jumısı úyrenildi.

Úyreniwler dawamında Pármanda belgilengen wazıypalardıń orınlanıwı, bar mashqalalar hám olardı saplastırıw ilajlarına ayrıqsha itibar qaratılmaqta.

Bul ilajlar náshebentliktiń aldın alıw, narkologiyalıq xızmettiń sapasın arttırıw hám xalıqtıń salamatlıǵın qorǵawǵa xızmet etedi.