Medicina tarawında xalıqaralıq birge islesiw hám sırt el tájiriybesin elimizge alıp kiriw boyınsha, Densawlıqtı saqlaw ministrligi tárepinen bir qatar unamlı jumıslar ámelge asırılmaqta.

Ótken jılı Respublikalıq qánigelestirilgen Ana hám bala salamatlıǵı ilimiy-ámeliy medicina orayı Qaraqalpaqstan filialında sanlastırıw xalıqaralıq joybarı sheńberinde Qaraqalpaqstan Respublikası Densawlıqtı saqlaw ministrligi hám “ACRYL” Qubla Koreya kampaniyası menen óz-ara kelisim memorandumına qol qoyılǵan edi.

Memorandumǵa tiykar “ACRYL” Qubla Koreya kompaniyası direktor orınbasarı Shin xanım Qaraqalpaqstan Respublikası Densawlıqtı saqlaw ministrligine bardı.

Bul ushırasıwda Qaraqalpaqstan Respublikası Densawlıqtı saqlaw ministri M.Kurbanov kelgen miymanlar menen qospa joybardıń áhmietliligi hám joybardı qarjılandırıw sheńberinde sóylesiwler alıp bardı.

QR Densawlıqtı saqlaw ministrligi

Málimleme xızmeti