Ilajǵa Densawlıqtı saqlaw hám strategiyalıq rawajlanıw institutı Nókis qalalıq bólimi xızmetkerleri hám 3-sanlı qalalıq shańaraqlıq poliklinikasınıń shıpakeri E.Abatova, Respublikalıq ftiziatriya hám pulmonologiya orayınıń shıpakerleri J.Saktaganova, R.Elmuratovalar qatnastı.

Ilajda xalıqtıń medicinalıq mádeniyatı hám bilimlerin arttırıw maqsetinde salamatlıq maydanshası hám salamatlıq yarmarkası shólkemlestirildi.

Sonday-aq, shıpakerler tárepinen puqaralardıń qan basımı ólshenip, salmaǵı hám boyı tekserilip, shıpakerler tárepinen tiyisli másláhátler berildi.

Qan basımı joqarı puqaralar ushın awqatlanıw racionına ámel etiw, as duzın paydalanıwdı sheklew, quramında mikroelementler kóp bolǵan miywe hám ovoshlardı jew, háreketli turmıs tárizine ámel etiw, kóbirek piyada júriw hám azanǵı shınıǵıwlardı orınlaw, zıyanlı ádetlerden waz keshiw, temeki hám alkogol ónimleriniń zıyanı temasında túsinik jumısları alıp barıldı.