Media-tur: Respublikalıq qánigelestirilgen ruwxıy salamatlıq ilimiy-ámeliy medicina orayınıń psixiatriya xızmeti boyınsha Qaraqalpaqstan Respublikası filialında media-tur shólkemlestirildi.

Onda Respublikamızdıń ǴXQ wákilleri, medicina xızmetkerleri qatnastı.

Dáslep ǵalaba xabar quralları wákilleri ushın baspasóz konferenciyası ótkerilip, onda filialı direktor orınbasarı Zuxra Madreymova filial tárepinen ámelge asırılǵan jumıslar hám aldaǵı rejeleri haqqında maǵlıwmat berildi.

Atap ótilgenindey, Respublikalıq qánigelestirilgen ruwxıy salamatlıq ilimiy-ámeliy medicina orayınıń psixiatriya xızmeti boyınsha Qaraqalpaqstan Respublikası filialı tárepinen densawlıqtı saqlaw sistemasın reformalaw, emlew-profilaktikalıq mákemelerdiń materiallıq-texnikalıq bazasın bekkemlew hám densawlıqtı saqlawdı rawajlandırıwdıń mámleketlik baǵdarlamasın orınlaw dawam ettirilmekte.

Ózbekstan Respublikası Prezidentiniń «Xalıqtıń ruwxıy salamatlıǵın qorǵaw xızmetin bunnan bılay da rawajlandırıw ilajları haqqında»ǵı 2023-jıl 19-iyundaǵı PQ-196-sanlı qararına muwapıq ruwxıy keselliklerdiń aldın alıw, olardı erte anıqlaw, olarǵa diagnoz qoyıw hám emlewdi bunnan bılay da jetilistiriw, respublikalıq psixiatriya mákemeleriniń materiallıq-texnikalıq bazasın hám kadrlar potencialın bekkemlew, jumıs nátiyjeliligin arttırıw jáne tarawda nátiyjeli basqarıw sistemasın engiziw maqsetinde Ózbekstan Respublikası Ministrler Kabinetiniń 2024-jıl 24-iyundaǵı «Ózbekstan Respublikasında qánigelestirilgen psixiatriya hám narkologiya járdemin kórsetiwdiń birden-bir shólkemlestiriwshilik-metodikalıq vertikal basqarıw sistemasın engiziw haqqında»ǵı qararı, Ózbekstan Respublikası Densawlıqtı saqlaw ministriniń hám Qaraqalpaqstan Respublikası Densawlıqtı saqlaw ministriniń arnawlı buyrıǵına tiykarlanıp 1-sanlı Respublikalıq ruwxıy hám nerv kesellikleri dispanseriniń atı Respublikalıq qánigelestirilgen ruwxıy salamatlıq ilimiy-ámeliy medicina orayınıń psixiatriya xızmeti boyınsha Qaraqalpaqstan Respublikası filialınıń atına ózgertildi.

Qaraqalpaqstan Respublikası xalqına psixiatriyalıq xızmet kórsetiw Respublikalıq qánigelestirilgen ruwxıy salamatlıq ilimiy-ámeliy medicina orayınıń psixiatriya xızmeti boyınsha Qaraqalpaqstan Respublikası filialı (Nókis qalası), 2-sanlı Respublikalıq ruwxıy hám nerv kesellikleri dispanseri (Ellikqala rayonı) hám rayonlıq medicina birlespeleri psixiatriya kabineti shıpakerlerine júklengen.

Filialda Ózbekstan Respublikası Densawlıqtı saqlaw ministrligi sistemasındaǵı medicinalıq shólkemler tárepinen tólemli xızmetti shólkemlestiriw haqqındaǵı 2019-jıl 3-dekabr kúngi 293-sanlı buyrıǵınıń 3-qosımshasınıń 3-bólimi 7 hám 11-punktlerine tiykarlanıp byudjetten tısqarı fond esabınan 10 orınǵa iye tólemli medicinalıq xızmet kórsetiw «Reabilitaciya» bólimi shólkemlestirildi.

Respublikalıq qánigelestirilgen ruwxıy salamatlıq ilimiy-ámeliy medicina orayınıń psixiatriya xızmeti boyınsha Qaraqalpaqstan Respublikası filialında jámi ruwxıy nawqaslardı emlewge qánigelesken 370 orın bar, sonnan 50 orın shegaralıq jaǵdaylar bólimi, 60 orın ótkir psixotikalıq jaǵdaylar bólimi (erler), 60 orın ótkir psixotikalıq jaǵdaylar bólimi (hayallar), 50 orın úlkenler psixiatriyası (gerontologiya) bólimi, 50 orın psixosotsiallıq reabilitaciya bólimi, 50 orın balalar hám jas óspirimler psixiatriyası bólimi, 40 orın ulıwma tiptegi májbúriy emleniwge ie úlkenler psixiatriyası bólimi, 10 orın reabilitaciya bólimi (tólemli), sonnan dispanser bólimi 75 qatnawǵa mólsherlengen.

Ózbekstan Respublikası Prezidentiniń 2023-jıl 19-iyundaǵı PQ-196-sanlı qararınıń orınlanıwı boyınsha «Densawlıqtı saqlawdıń qánigelestirilmegen mákemelerinde ruwxıy jaǵday buzılıwları hám nevrologiyalıq buzılıwlar, sonday-aq psixoaktiv zatlardı qabıl etiw menen baylanıslı buzılıwlarda járdem kórsetiw» temasında seminar treningler shólkemlestirildi hám Qaraqalpaqstan Respublikası boyınsha jámi 684 shańaraqlıq shıpakerler 2025-jıl fevral ayı juwmaǵı menen tolıq oqıtıldı hám sertifikatlar tapsırıldı.

Ózbekstan Respublikası Prezidentiniń 2023-jıl 19-iyundaǵı PQ-196 sanlı qararınıń orınlanıwı boyınsha filialımızǵa 2025-jıl yanvar ayında EEG apparatı menen támiyinlendi.

2024-jıl avgust ayında «ashıq byudjet» esabınan «qarawıl postı» qurılısı ushın 900.000.000 sum qarjı utıp alındı hám “OOO Profil Taxiatosh” firması tárepinen qurılıs jumısları alıp barıldı hám 2025-jıl mart ayında tapsırıldı.