Korrupciyaǵa qarsı gúresiw pútkil dúnya boylap baslı máselelerdiń biri bolıp esaplanadı. Bul illettiń aldın alıw maqsetinde elimizde hár bir tarawda túpkilikli reformalar ámelge asırılmaqta.

Qaraqalpaqstan Respublikası aymaqlıq balalar medicinalıq reabilitaciya orayında ótkerilgen ilaj usı maqsetke baǵdarlanǵan.

Ilajǵa QR Densawlıqtı saqlaw ministriniń orınbasarı B.Alimbetov, Ekonomikalıq jınayatlarǵa qarsı gúresiw departamenti QR basqarması bólim baslıǵı R.Sadikov, Ekonomikalıq jınayatlarǵa qarsı gúresiw departamenti QR basqarması qánigesi N.Muxtarov, Ekonomikalıq jınayatlarǵa qarsı gúresiw departamenti janındaǵı Mámleketlik finanslıq qadaǵalaw inspekciyası qánigesi B.Saburov, Mámleketlik medicinalıq qamsızlandırıw qorı QR bólimi ishki audit baslıǵı A.Qazaqbaev hám medicina xızmetkerleri qatnastı.

Qatnasıwshılarıǵa ilaj dawamında korrupciyanıń mazmun-mánisi, nızam aldındaǵı ayanıshlı aqıbetleri haqqında maǵlıwmat berildi.