Xabarıńız bar “1-dekabr Pútkil jer júzilik arttırılǵan immunitet jetispewshiligi sindromı”na qarsı gúresiw kúni múnásibeti menen 1-noyabrden 1-dekabrge shekem “Salamatlıqqa qaray birgelikte” súreni astında ǵalabalıq profilaktikalıq aylıǵı dep belgilengen edi.

Usı múnásibet penen Ózbekstan Respublikası AIJSqa qarsı gúresiw orayı tárepinen oraylar arasında bir neshe nominaciyalar tiykarında tańlawlar shólkemlestirilgen edi. Qaraqalpaqstan Respublikası AIJSqa qarsı gúresiw orayı “Úlgili oray” nominaciyası jeńimpazı dep tabıldı.

Al, aylıq sheńberinde járiyalanǵan videorolikler tańlawında Respublikalıq Tez medicinalıq járdem orayı Qaraqalpaqstan filialı tayarlaǵan «Diskordant juplıqlar» temasında tayarlanǵan videorolik “Eń jaqsı videorolik” dep tabılıp, Respublika kóleminde 1-orın jeńimpazı boldı.

Óz gezeginde, jeńimpazlardı Qaraqalpaqstan Respublikası Densawlıqtı saqlaw ministrligi jámááti atınan qutlıqlaymız! Xalıqtıń salamatlıǵı jolındaǵı xızmette tabıslar tileymiz!