➤ Ózbekstan Respublikası Prezidentiniń 2025-jıl 3-noyabrde qabıl etilgen “Xalıqtıń salamatlıǵın hám de millet genofondın náshebentlik hám narkojınayashılıqtan nátiyjeli qorǵaw boyınsha kompleksli is-ilajlar haqqında”ǵı PP-207-sanlı qararınıń orınlanıwı sheńberinde profilaktikalıq ilajlar izbe-iz ámelge asırılmaqta.
Usı maqsette Nókis qalasındaǵı 19-mektepte Respublikalıq qánigelestirilgen ruwxıy salamatlıq ilimiy-ámeliy medicina orayınıń narkologiya xızmeti boyınsha Qaraqalpaqstan filialınıń tiyisli taraw qánigeleri tárepinen oqıwshılarǵa aǵartıwshılıq-profilaktikalıq ilaj ótkerildi.
Ilaj dawamında jaslar arasında temeki shegiw hám onıń insan salamatlıǵına unamsız tásiri, sonday-aq, zıyanlı ádetlerdiń aqıbetleri haqqında hár tárepleme maǵlıwmatlar berildi. Oqıwshılar menen ashıqtan-ashıq sóylesiw alıp barılıp, olardı salamat turmıs tárizine ámel etiwge shaqıratuǵın túsindiriw jumısları alıp barıldı.
Bul ilajda RAIBDO wákilleride qatnasıp, jaslar arasında huqıqbuzarlıq hám zıyanlı ádetlerdiń aldın alıw boyınsha profilaktikalıq usınıslar berdi.
Bunday aǵartıwshılıq ilajlar jas áwlad salamatlıǵın bekkemlew hám salamat turmıs tárizin qáliplestiriwde úlken áhmiyetke iye.
