Qaraqalpaqstan Respublikası Densawlıqtı saqlaw ministrliginde «Órt qáwipsizligi aylıǵı» sheńberinde Ayrıqsha jaǵdaylardıń aldın alıw hám olardı saplastırıw, órt qáwipsizligin támiyinlew baǵdarındaǵı jumıslardıń nátiyjeliligin arttırıw maqsetinde ministrliktiń xızmetkerlerine úgit-násiyat jumısları alıp barıldı. 
Ilajda Qaraqalpaqstan Respublikası Densawlıqtı saqlaw ministri wazıypasın atqarıwshı T.Q.Sarbaev, Qaraqalpaqstan Respublikası Ayrıqsha jaǵdaylar basqarması Radiciyalıq, ximiyalıq hám medicinalıq-biologiyalıq qorǵaw bólimi baslıǵı E.Juzbaev hám ministrliktiń xızmetkerleri qatnastı. 
Onda shıǵıp sóylewshiler usı jıldıń 1- 30 – dekabr kúnleri aralıǵında respublika aymaǵında “Órt qáwipsizligi aylıǵı” ilajı ótkerilip atırǵanlıǵı, bul ilaj hár jılı gúz máwsiminen qıs máwsimine ótiw dáwirinde hawa-rayınıń keskin suwıtıp ketiwi aqıbetinde puqaralardıń hár qıylı elektr hám gaz járdeminde ısıtıw úskenelerinen paydalanıwı hám nasaz qoldan islengen elektr pechleri hám ısıtıw qazanlarınıń shıńǵırlarınıń nasazlıǵı sebepli kelip shıǵıwı múmkin bolǵan órtlerdiń hám gazden záhárleniw jaǵdaylarınıń aldın alıw maqsetinde ótkerilip kiyatırǵanlıǵın aytıp ótip, tiykarınan: – órt qáwipsizligin támiyinlew, órt kelip shıǵıw sebepleri hám olardı saplastırıwǵa qaratılǵan ilajlar kompleksin ámelge asırıw kerek ekenligi; – nasaz qoldan islengen usılda islengen elektr pechlerinen hám nasaz ısıtıw qazanları hám shılımshılardan paydalanbaw, sonday-aq, obektte islewshi xızmetkerler hám olardıń shańaraq aǵzaların iyis gazinen záhárleniwi hám de gaz-hawa aralaspasınıń ushqını menen baylanıslı jaǵdaylardan qorǵaw boyınsha zárúr ilajlardı kóriw; – gúzgi-qısqı máwsimge tayarlıq kóriw hám onı qáwipsiz ótkeriwdi támiyinlew, sonday-aq, ayrıqsha jaǵdaylardıń aldın alıw maqsetinde, islewshi xızmetkerlerdiń jasaw úylerindegi gaz plitaları, ısıtıw qazanları, tútin shıǵarıwshı hám ventilyaciya sistemasın, elektr tarmaqları qurılmaların jáne bir márte texnikalıq kórikten ótkerip, tazalaw-ońlaw jumısların shólkemlestiriw hám ısıtıw qazanlarına ekonom gorelkalar ornatıw kerek ekenligi; – islewshi xızmetkerlerdiń kvartiraları hám kóp qabatlı turaq jaylardıń ısıtıw qurılmalarında hám olardıń morılarında anıqlanǵan nasazlıqlardı saplastırıw boyınsha tiyisli jumıslardıń ámelge asırılıwı; – kóp qabatlı kvartiralı turaq jaylarda jasawshı xızmetkerlerdiń ısıtıw qazanların basqıshpa-basqısh zamanagóy eki konturlı qáwipsiz (ariston túrindegi) qazanlarǵa almastırıw hám háwli turaq jaylarda jasawshı xızmetkerlerdiń úy ishinde (jasaw bólmelerinde) ornatılǵan ısıtıw qazanxanaların turaq jaydıń sırtına qáwipsiz orınǵa kóshiriw ilajların kóriw kerekligi atap ótildi. Ilaj qatnasıwshıları ózlerin qızıqtırǵan sorawlarına juwaplar aldı. 
