Qaraqalpaqstan Respublikası Densawlıqtı saqlaw ministriniń finans-ekonomika hám investiciya boyınsha orınbasarı Alimbetov Bayrambek Naǵmetovichtiń xalıqqa hám taraw xızmetkerlerine MÚRÁJATÍ:
Assalawma áleykum, húrmetli Qaraqalpaqstan Respublikası turǵınları hám kásiplesler!
Men, Alimbetov Bayrambek Naǵmetovich, Qaraqalpaqstan Respublikası Densawlıqtı saqlaw minsitriniń finans-ekonomika hám investiciya boyınsha orınbasarı sıpatında, Jańa Ózbekstanda mámleketlik basqarıw hám sociallıq tarawlarda ámelge asırılıp atırǵan reformalar, atap aytqanda, korrupciyaǵa qarsı qatań gúresiw mámleketlik siyasat dárejesine kóterilgenin esapqa alıp, óz poziciyamdı ashıq bildiremen.
Ózbekstan Respublikası Prezidenti Shavkat Mirziyoevtiń 2025-jıl 26-dekabr kúni Oliy Majliske hám Ózbekstan xalqına jollaǵan Múrájatında korrupciyaǵa qarsı gúresiwdi kúsheytiw, mámleketlik uyımlarda hadallıq ortalıǵın qáliplestiriw hám xalıqtıń isenimin bekkemlew eń tiykarǵı wazıypalar sıpatında belgilep berilgen. Bul wazıypalardı orınlawda men basshı sıpatında jeke juwapkershiligimdi tolıq sezemen hám jámáátim menen birge úlgi bolıp islew minnetlemesin óz moynıma alaman.
Korrupciya – jámiyettiń rawajlanıwına úlken tosqınlıq bolıp, ádillik principleri, nızam ústinligi hám insan huqıqlarına qayshı jaǵday esaplanadı. Ásirese, densawlıqtı saqlaw sistemasında korrupciyaǵa jol qoyılıwı xalıqtıń salamatlıǵına, insan ómirine hám medicina tarawına bolǵan isenimge tikkeley unamsız tásir kórsetedi. Sol sebepli, medicina mákemelerinde korrupciyanıń hár qanday kórinisine qatań jol qoyılmaydı.
Keyingi jılları mámleketimizde, sonıń ishinde, densawlıqtı saqlaw sistemasında korrupciyanı saplastırıw, ashıq-aydınlıqtı támiyinlew baǵdarında sistemalı jumıslar ámelge asırılmaqta. Sonıń ishinde, 2025-jıl 21-apreldegi 147-sanlı Prezident qararı menen tastıyıqlanǵan “Korrupciyadan jıraq 5 taraw” baǵdarlaması sheńberinde densawlıqtı saqlaw sistemasın korrupciyadan jıraq taraw sıpatında qáliplestiriw wazıypası qoyıldı.
Biz, Qaraqalpaqstan Respublikası Densawlıqtı saqlaw ministrligi jámááti, usı wazıypalardıń orınlanıwın támiyinlew maqsetinde tómendegi ámeliy jumıslardı izbe-iz alıp barmaqtamız:
- Sanlastırıw jumısları.
✅ Barlıq ambulator hám stacionar múrájatlar DMED sisteması arqalı júrgizilmekte;
✅ Másláhát poliklinikasında elektron náwbet sisteması engizilgen;
✅ Joqarı texnologiyalıq diagnostika hám emlew ushın elektron order sisteması ámelde;
✅ Elektron recept sisteması engiziwdiń juwmaqlawshı basqıshında
- Medicinalıq qamsızlandırıw sisteması tiykarında xızmetlerdi shólkemlestiriw.
- Barlıq medicina tarawı mákemeleri tárepinen qatań «Mámlektlik satıp alıwlar haqqında»ǵı Nızamına ámel etken halda satıp alıwlardı ámelge asırıw.
- Barlıq emlew profilaktika mákemeleri tárepinen esap sanaq jumısları ámeldegi nızam hújjetlerine say júrgiziliwin támiynlew.
- Bunday jaǵdaylarǵa qayshı keletuǵın isler boyınsha dárhal qońıraw ushın isenim telefonlarınıń jumısı jolǵa qoyılǵan.
- Ministrliktiń barlıq bólimlerinde korrupciyaǵa qarsı úgit-násiyatlaw materialları jaylastırılǵan.
- Nawqaslar hám olardıń jaqınlarınıń pikirin úyreniw ushın anonim sorawlar turaqlı ótkizilmekte.
- Stacionar nawqaslar 75 procentke shekem dári-dármaq penen biypul támiyinlenbekte.
- Hár bir bólimde biypul bar dári-dármaqlar dizimi turaqlı túrde jańalanıp barılmaqta.
Men basshı sıpatında tómendegilerdi qatań málim etemen::
✅ korrupciyanıń hár qanday kórinisine pútkilley qarsı bolıwımdı;
✅ xızmet dárejesinen jeke máp jolında paydalanıwǵa jol qoymawımdı;
✅ mákemede ashıq-aydınlıq hám ádillik principlerin qatań támiyinlewimdi;
✅ barlıq xızmetkerlerden nızamlarǵa qatań ámel etiwdi talap etetuǵınımdı bildirmekshimen.
Hár bir xızmetker sonı ańlap jetiwi kerek, korrupciyaǵa qarsı gúresiw – tek ǵana basshınıń emes, al bárshemizdiń hújdanlı hám puqaralıq minnetimiz. Hadallıq hám juwapkershilik biziń kúndelikli jumısımızdıń tiykarǵı ólshemi bolıwı shárt.
Húrmetli puqaralar!
Eger Qarakalpaqsan Respublikası medicina tarawında korrupciya menen baylanıslı jaǵdaylarǵa dus kelseńiz, biypárwa bolmań hám tómendegi isenim telefonlarına xabarlasıń:
☎️ Qaraqalpaqsan Respublikası Densawlıqtı saqlaw minsitrliginiń isenim nomeri: (61) 226-00-48
✅ Qaraqalpaqstan Respublikası Densawlıqtı saqlaw minstriniń finans-ekonomika hám investiciya boyınsha orınbasarıınıń telefon nomeri: (61) 226-09-00,
Biz korrupciyaǵa gúreste birgelikte jaqsı nátiyjege erisemiz!
Korrupciyasız sistema – sapalı medicinalıq xızmet hám xalıq iseniminiń girewi!!!
Bayrambek Alimbetov
Qaraqalpaqstan Respublikası Densawlıqtı saqlaw ministriniń finans-ekonomika hám investiciya boyınsha orınbasarı
