Xojeli rayonında medicinalıq xızmet kórsetiwdiń sapasın arttırıw hám xalıqtıń salamatlıǵın jaqsılaw maqsetinde Buxara wálayatınan tájiriybeli qánigeler tartıldı.
Atap aytqanda, 24 shıpaker hám 6 bas miyirbiykeden ibarat topar rayonlıq kóp tarmaqlı oraylıq poliklinikasınıń 3-filialında óz jumısın basladı ️
Medicinalıq tekseriwler hám mobil xızmetler
Qánigeler tárepinen xalıqqa zamanagóy medicinalıq xızmet kórsetiw maqsetinde mobil oftalmologiyalıq poliklinika, “Ókpe salamatlıǵı” mobil avtomashinası, sonday-aq, UZI, EKG hám laboratoriyalıq tekseriwler shólkemlestirildi.
Shıpakerler 3 jumısshı toparǵa bólindi:
✅1-topar – 14 qánige qatnasıwında 670 xalıqtı medicinalıq tekseriwden ótkerdi. Olardan 187 puqaraǵa ambulator sharayatta, 77 puqaraǵa bolsa rayon emlewxanasında stacionar sharayatta emleniw ushın usınıslar berildi. Sonday-aq, 5 nawqas xirurgiyalıq operaciyaǵa jiberildi.
✅2-topar – 6 bas miyirbiyke qatnasıwında salamat turmıs tárizi hám durıs awqatlanıw boyınsha úgit-násiyat jumısların alıp bardı. Bul topar xalıqtıń úylerine shıǵıp, medicinalıq másláhátler berdi.
✅3-topar – wálayattaǵı eń tájiriybeli 6 xirurg-qánigeler tárepinen rayonlıq oraylıq emlewxanasında xirurgiyalıq ámeliyatlar orınlandı.
Bul medicinalıq sapar dawamında jergilikli xalıqtıń salamatlıǵına baylanıslı mashqalalar anıqlanıp, olardıń nátiyjeli emleniwi ushın barlıq sharayatlar jaratıldı. Sonıń menen birge, Buxara wálayatı qánigeleriniń tájiriybesi Xojeli rayonındaǵı medicinalıq xızmet sapasın bunnan bılay da arttırıwǵa xızmet etedi.
Bunday birgeliktegi joybarlar keleshekte de dawam ettiriliwi rejelestirilgen bolıp, xalıqtıń medicinalıq xızmetten razılıǵı hám densawlıǵın jaqsılaw maqset etilgen.
