Aymaqlıq filiallar ámeliyatına medicinalıq járdemniń zamanagóy usılların hám texnologiyaların engiziw, orınlardaǵı qánigelerge zárúr profilaktikalıq ilajlardı shólkemlestiriwde metodikalıq-ámeliy járdem kórsetiw maqsetinde, Respublikalıq qánigelestirilgen kardiologiya ilimiy-ámeliy medicina orayınıń direktorı, professor Xurshid Fazilov basshılıǵında bir qatar tájiriybeli shıpakerler Qaraqalpaqstan Respublikasına keldi.

Maman shıpakerler búgin júrek-qan tamır kesellikleriniń aldın alıw hám emlewdiń sapasın arttırıw maqsetinde Xojeli rayonı medicina birlespesinde bolıp nawqaslardı biypul tekseriwden ótkerdi hám tiyisli kórsetpeler berdi.

Sonday-aq, baslanǵısh buwındaǵı shıpakerlerge joqarıdaǵı keselliklerdi erte anıqlaw hám olardıń aldın alıw (profilaktikası) temasında seminar-trening ótkerildi.

Erteń, 11-aprel kúni usı topar Shımbay rayonlıq medicina birlespesine baratuǵının málim etemiz.