Respublikalıq balalar juqpalı kesellikler emlewxanasında korrupciyaǵa qarsı gúresiw boyınsha ilaj bolıp ótti.

Onda Qaraqalpaqstan Respublikası Densawlıqtı saqlaw ministrliginiń múrájatler menen islesiw bólimi bas qánigesi, tarawda korrupciyaǵa qarsı ishki qadaǵalaw strukturası xızmet wazıypaların orınlawshı R.Kaypnazarova hám emlewxananıń medicina xızmetkerleri qatnastı.

Ilajda sózge shıqqanlar korrupciyaǵa qarsı gúresiw baǵdarında ámelge asırılıp atırǵan jumıslar sonday-aq, korrupciyalıq jaǵdaylardıń aldın alıw, jámiyetshilik arasında korrupciyanıń unamsız aqıbetleri hám nızamda belgilengen jaza normaları haqqında tolıq maǵlıwmatlar berip, bársheni bunday illetlerden awlaq júriwge shaqırdı.

Sonday-aq, hár bir medicina xızmetkeri óz iskerligi dawamında kásiplik etikaǵa, hadallıq hám ashıq-aydınlıq principlerine qatań ámel etiwi haqqında da sóz boldı.