“Salamatlıq marafonı” sheńberinde rayon hákimi B.Sultanov hám Qaraqalpaqstan Respublikası densawlıqtı saqlaw ministri M.Kurbanov rayonlıq kóp tarmaqlı poliklinikasında bolıp, ilaj ushın jaratılǵan sharayatlar menen tanıstı. Keselliklerdi erte anıqlaw, profilaktikalıq ilajlardı shólkemlestiriw hám xalıqqa sapalı medicinalıq xızmet kórsetiw baǵdarında ámelge asırılıp atırǵan jumıslar kózden ótkerildi. Puqaralardı medicinalıq tekseriw hám diagnostika, qánigelerdiń jumısı hám xalıq ushın jaratılǵan qolaylıqlar menen jaqınnan tanıstı. Medicinalıq tekseriwlerdi sapalı shólkemlestiriw, xalıqtıń múrájatların itibarsız qaldırmaw, anıqlanǵan keselliklerdi óz waqtında qadaǵalaw hám puqaralarǵa zárúr medicinalıq máláhátler beriw boyınsha tiyisli usınıslar bildirildi. Bunday ilajlar xalıqtıń salamatlıǵın bekkemlew hám salamat turmıs tárizin keńnen úgit-násiyatlawǵa xızmet etedi.