Nawqaslarǵa sapalı qıstawlı medicinalıq járdem kórsetiw, nawqaslardı qızıl, sarı, jasıl zonalarǵa bólip diagnostika qılıw búgingi kún medicinasında zárúr imkaniyatlardan biri.
Aldın bolmaǵan bunday imkaniyat endi Qanlıkól rayonı medicina birlespesinde de jaratılıp baslamalı byudjet esabınan rayon hákimligi baslaması menen smtalıq bahası 1 mlrd 500 mln swm qarjı esabına EMERGENCY DEPARTMENT qıstawlı tez járdem bóliminiń zamanagóy imáratı qurıp paydalanıwǵa tapsırıldı.
Ilajda rayon hákimi B.Sultanov, Oliy Majlis Nızamshılıq palatası deputatı, N.Rashidova, QR Densawlıqtı saqlaw ministr orınbasarı G.Abdisametova hám Joqarǵı Keńes deputatları, keń jámiyetshilik wákilleri qatnastı.
Dástúriy lenta kesilip qurılısshılarǵa minnetdarshılıq bildirildi hám jańa zanagóy imárattıń nawqaslar hám medicina xızmetkerleri ushın abzallıqlarına toqtaldı.
Dáslepki rayon medicina birlespesi qıstawlı medicinalıq járdem kórsetiw bólimi ornında nawqaslardıń keselliginiń awırlılıq dárejesine qarap bólistiriwshi kúni-túni islewshi jańadan qurılǵan bul EMERGENCY DEPARTMENT bólimi, nawqaslarǵa óz waqtında sapalı qıstawlı medicinlıq járdem kórsetiwdi jánede jaqsılanıwına alıp keledi.
Aldınları arnawlı xanalar bolmaǵan jánede nawqaslıq dárejesine qarap qızıl, sarı, jasıl zonalarǵa bólip diagnostika qılıw múmkinshiligi bolmaǵan orın endi zamanagóy medicianlıq úskeneler hám qánigeli kadrlar menen támiynlengen.
Miymanlar jańa imárat ishinde jaratılǵan sharayatlar menen tanısıp islengen jumıslarǵa joqarı baha berdi.
Bul islengen jumıslar rayon halqına kórsetiletuǵın medicnalıq xızmet sapasınıń jánede jaqsılanıwına tiykar boladı.
