Ózbekstan Respublikası Densawlıqtı saqlaw ministrligi tárepinen medicina sisteması xızmetkerleri arasında shólkemlestirilgen “Medicina pidayısı” respublikalıq tańlawı juwmaqlandı. Tańlaw nátiyjelerine bola, Qaraqalpaqstan Respublikasınıń bir qatar medicina mákemeleri hám taraw wákilleri jeńimpazlar qatarına kirdi. Tómendegiler tańlaw jeńimpazı dep tabıldı:
“Eń jaqsı rayon (qala) densawlıqtı saqlaw organı basshısı” – Qanlıkól rayonı medicina birlespesi.
“Eń jaqsı shańaraqlıq poliklinika basshısı” — Taqıyatas rayonı medicina birlespesi kóp tarmaqlı oraylıq poliklinikası.
“Eń jaqsı rayon (qala) shıpakeri” — Urazbaeva Dilbar, Taqıyatas rayonı kóp tarmaqlı oraylıq poliklinikası.
“Eń jaqsı rayon (qala) orta medicina xızmetkeri” — Tatikova Jannet, Taqıyatas rayonı kóp tarmaqlı oraylıq poliklinikası.
“Eń jaqsı shańaraqlıq poliklinika” — Taqıyatas rayonı medicina birlespesi kóp tarmaqlı oraylıq poliklinikası.
“Eń jaqsı rayon (qala) emlewxanası” — Qanlıkól rayonı medicina birlespesi.
“Eń jaqsı aymaqlıq emlewxana” — Respublikalıq qánigelestirilgen ana hám bala salamatlıǵı ilimiy-ámeliy medicina orayınıń Qaraqalpaqstan Respublikası filialı.
Bul sıylıq medicina xızmetkerleriniń pidákerlik miyneti, kásiplik sheberligi hám xalıqtıń salamatlıǵın qorǵaw jolındaǵı háreketlerine berilgen múnásip baha bolıp esaplanadı. Barlıq jeńimpazlardı Qaraqalpaqstan Respublikası Densawlıqtı saqlaw ministrligi jámááti atınan qutlıqlaymız hám bekkem densawlıq, juwapkershilikli jumısıńızda tasqın tabıslar hám jańa jetiskenlikler tileymiz!
