Prezidentimizdiń baslaması menen mámleketimizde ishki turizmdi rawajlandırıwǵa qaratılıp atırǵan itibardıń nátiyjesinde puqaralar elimizdiń tariyxıy, mádeniy hám dıqqatqa ılayıq orınları menen jaqınnan tanısıw imkaniyatına iye bolmaqta.
Qaraqalpaqstan Respublikası Densawlıqtı saqlaw ministrligi tárepinen baslanǵısh buwında islewshi IT operator miyirbiykelerge Xiywa qalasına sayaxat shólkemlestirildi.
– Bunnan gózlengen maqset medicinalıq turizmdi rawajlandırıw menen birge, medicina xızmetkerleriniń dem alıs kúnlerin mazmunlı ótkeriwden ibarat,-deydi ministr orınbasarı Timur Sarbaev.
Sayaxat dawamında Xiywanıń tariyxıy estelikleri hám milliy lipasları, milliy qádiriyatları hám úrp-ádetleri menen jaqınnan tanısıp shıqtı.
Sayaxatshılar Xiywa qalasınıń dıqqatqa iye orınları, kóp jıllıq tariyxın ózinde sáwlelendiriwshi arxitekturalıq obektleri hám áyyemgi esteliklerin jaqınnan kóriw múmkinshiligine iye boldı.
