Aldın xabar bergenimizdey búgin, Qaraqalpaqstan medicina institutında “Birlemshi medicinalıq sanitariyalıq járdem mákemelerinde endokrinologiya xızmetiniń integraciyalasqan qatnas” atamasında ilimiy-ámeliy konferenciya bolıp ótpekte. Konferenciyanı QR Densawlıqtı saqlaw ministri M.Qurbanov ashıp berdi hám qatnasıwshılarǵa tarawdaǵı ámelge asırılıp atırǵan jumıslar haqqında toqtap ótti. Ilaj barısında, Akademik E.X.Turaqulov atındaǵı Respublikalıq qánigelestirilgen Endokrinologiya ilimiy-ameliy medicina orayı direktorı A.Alimov, «Mámleketlik medicinalıq qamsızlandırıw mexanizmlerin ámeliyatqa engiziw» atamasında prezintaciya isledi. Sonday-aq, konferenciya sheńberinde, baslanǵısh medicinalıq járdemde endokrinologiya xızmetiniń rolin kúsheytiw, onıń nátiyjeliligin arttırıw hám nawqaslar ushın jáne de sapalı medicinalıq járdem kórsetiw jolları dodalanbaqta. 
Konferenciya qatnasıwshıları taraw qánigeleri hám medicina ilimpazlarınan ibarat bolıp, sońǵı ilimiy izertlewler hám innovaciyalıq sheshimler haqqında pikirler bildirildi.
Qaraqalpaqstan Respublikası Densawlıqtı saqlaw ministrligi Málimleme xızmeti
