Qaraqalpaqstan Respublikası Densawlıqtı saqlaw ministrligi janında salamat turmıs tárizin qollap-quwatlaw shınıǵıwların ámelge asıratuǵın sport zalı hám jasıl qaplamalı sport maydanı bar.

Mine, usı sport zalında Salamatlıq hám strategiyalıq rawajlanıw institutı Qaraqalpaqstan Respublikası aymaqlıq bóliminiń xızmetkerleri de óz salamatlıǵın oylaǵan halda fizikalıq shınıǵıwlar menen turaqlı shuǵıllanıp turadı.

Prezident Shavkat Mirziyoevtiń basshılıǵında 2025-jıl 13-fevral kúni bolıp ótken “Olimpiya hám paralimpiya háreketin jáne de rawajlandırıw, ǵalabalıq sporttı jańa basqıshqa alıp shıǵıw hám xalıqtıń fizikalıq belsendiligin arttırıw ilajları” boyınsha videoselektor májilisinde “Sport – salamat xalıq, salamat jámiettiń tayanısh ústini. Sonıń menen birge, sport – bul bárinen burın tınıshlıq elshisi, hár bir mámleket ushın milliy maqtanısh dáregi,” dep aytıp ótken edi.

Solay eken, sport penen turaqlı shuǵıllanıw arqalı salamatlıǵımızdı bekkemlewge de erisiwimiz múmkin. Usı orında bársheni óz salamatlıǵıńızǵa biyparıq bolmaǵan halda sport penen turaqlı shuǵıllanıwǵa shaqıramız!