Medicina tarawında xalıqaralıq birge islesiw hám sırt el tájiriybesin elimizge alıp kiriw boyınsha, Densawlıqtı saqlaw ministrligi tárepinen bir qatar unamlı jumıslar ámelge asırılmaqta.

Usı jıldıń 20-25-fevral kúnleri aralıǵında Qaraqalpaqstan Respublikası Densawlıqtı saqlaw ministri M.Qurbanov basshılıǵındaǵı delegaciya aǵzaları Hindstan mámleketinde xızmet saparında bolıp, “Sharda Hospital” klinikasınıń direktorı mırza Gopta menen densawlıqtı saqlaw tarawın rawajlandırıw maqsetinde óz-ara birge islesiw boyınsha Memorandumǵa qol qoyılǵanǵı haqqında xabar bergen edik.

Memorandumǵa tiykar “Sharda Hospital” klinikasınıń direktorı mırza Gopta basshılıǵındaǵı delegaciya aǵzaları elimizge keldi.

Miymanlardı Qaraqalpaqstan Respublikası Densawlıqtı saqlaw ministri M.Kurbanov kútip aldı hám Qaraqalpaqstan Respublikası Ministrler Keńesinde,  Qaraqalpaqstan Respublikası Ministrler Keńesiniń baslıǵı orınbasarı B.Otemuratov basshılıǵında Respublika kóleminde óz-ara birge islesiw boyınsha sáwbetlesiwler ámelge asırıldı.

Álbette, bunday ushırasıwlar eki mámleket arasındaǵı baylanıslardı bunnan bılay da bekkemlewge xızmet etedi hám usınday birge islesiwler sheńberinde, sırt el tájiriybesin elimizde qollanıw hám medicina xızmetkerlerin sırt ellerde oqıp, tájiriybelerin arttırıwda óz nátiyjesin beretuǵını anıq.