✅Sanawlı saatlardan soń, 2025-jıl juwmaqlanıp, 2026-jıldı kútip alamız.
️Prezidentimizdiń tiyisli pármanına tiykar Jańa jılda barlıq xızmetkerler (jumıs háptesiniń túrine qaramastan) izbe-iz 5 kún dem aladı.
❓Usı sánelerde mámleketimiz medicina mákemeleri qanday tártipte isleydi? Qaysi emlew orınlarında qanday profilaktikalıq-medicinalıq xızmetler kórsetiledi?
️Xalıqtıń salamatlıǵın saqlaw, atap aytqanda, bayram hám qosımsha islenbeytuǵın kúnlerde medicina mákemeleriniń jumısın muwapıqlastırıp barıw maqsetinde Densawlıqtı saqlaw ministrliginde óz aldına shtab shólkemlestirildi.
✅ Sonday-aq, 31-dekabr – 4-yanvar kúnleri mámleketimizdegi rayon (qala) lıq, respublika kólemindegi barlıq emlewxanalar, qánigelestirilgen medicina orayı aymaqlıq filialları hámde medicinalıq joqarı oqıw orınları klinikaları hámde aymaqlardaǵı 3 rayonlar aralıq qospa jaraqatlanıw hám ótkir qan-tamır kesellikleri oraylarında medicina sisteması xızmetkerleri nızamda belgilengen tártipte, náwbetshilik tiykarında xalıqqa medicinalıq xızmet kórsetedi.
️Qosımsha orınlar hám dári-dármaqlar rezervi jaratılǵan.
✅ Sonday-aq, bayram kúnleri Respublikalıq balalar juqpalı kesellikler emlewxanası, Respublikalıq qánigelestirilgen ana hám bala salamatlıǵı ilimiy-ámeliy medicina orayı Qaraqalpaqstan Respublikası filialı, Respublikalıq balalar kóp tarmaqlı medicina orayı, Respublikalıq qıstawlı medicinalıq járdem ilimiy orayı Qaraqalpaqstan filialı hám 16 rayon elatında jaylasqan qıstawlı medicinalıq járdem bólimlerinde de 24 saat dawamında náwbetshi shıpaker hám miyirbiykeler jumıs alıp baradı. Bul mákemeler zárúr dári-dármaqlar menen támiyinlenip, rezerv orınları jaratılǵan.
️Xalıqqa sapalı medicinalıq járdem kórsetiwde “103” xızmetiniń ornı sheksiz. Jańa jıl bayramı múnásibeti menen járiyalanǵan dem alıs kúnlerinde bul taraw iyeleri de ádettegidey jumısın dawam ettiredi. Atap aytqanda, Respublikalıq qıstawlı medicinalıq járdem orayı Qaraqalpaqstan filialı elimiz boylap 17 stanciya, 1 podstanciya hám 83 tayanısh punktte 163 den aslam medicinalıq járdem brigadası xalıq hám elimiz miymanlarınan bolatuǵın shaqırıwlar ushın turaqlı tayar turadı.
✅Bunnan tısqarı, bayram kúnleri mámleketimizdegi 17 tuwıw,
18 balalar emlew mákemesi de úzliksiz jumıs alıp baradı.
️Densawlıqtı saqlaw ministrliginiń (1003) qısqa sanlı “Isenim telefonı” arqalı bolsa medicinaǵa tiyisli sorawlarǵa maman qánigelerden kúni-túni juwap alıw múmkin.
✅ Densawlıqtı saqlaw ministrligi Jańa jıl bayramı hám dem alıs kúnlerinde miynet etetuǵın barlıq medicina xızmetkerlerine óz minnetdarshılıǵın bildiredi.
!!️Sonday-aq, ministrlik jerleslerimizden áyyyamdı xosh keypiyatta kútip alıp, óz salamatlıqlarına itibarlı bolıwların soraydı.
QR Densawlıqtı saqlaw ministrligi
Málimleme xızmeti.
