Qaraqalpaqstan Respublikası Densawlıqtı saqlaw ministrligi tárepinen medicina tarawında xalıqaralıq birge islesiwlerdi jolǵa qoyıw hám sırt el tájiriybesin elimizge alıp kiriw boyınsha bir qatar unamlı ilajlar ámelge asırılmaqta.

Densawlıqtı saqlaw tarawında sırt el klinikaları menen birge islesiw jolǵa qoyılıp, sheriklik baylanısları ornatıldı.

Usı jılı da densawlıqtı saqlaw tarawında sırt mámleketler menen xalıqaralıq baylanıslardı ornatıw jolǵa qoyılıp, usınday birge islesiwler nátiyjede elimizde sırt eldiń tájiriybeli shıpakerleri tárepinen biypul medicinalıq tekseriwler, quramalı operaciyalar ámelge asırılmaqta.

Usınday ámeliy ilajlardı dawam ettiriw maqsetinde Qaraqalpaqstan Respublikası Densawlıqtı saqlaw ministrliginiń baslaması menen medicina tarawı eń jaqsı rawajlanǵan mámleket Hindstan mámleketiniń Deli qalasındaǵı eń abroylı dúnyaǵa belgili bolǵan «BLK-Max» emlewxanasınıń tájiriybeli shıpakerleri tárepinen biypul medicinalıq tekseriwler shólkemlestiriliwi rejelestirilgen.

Sonlıqtan, eger sizde:
✅ Búyrek kesellikleri
✅ Búyrek tas keselligi
✅ Búyrek transplantaciyası
✅Bawır ósimtesi
✅ókpe onkologiyası
✅kókirek onkologiyası
✅aplastik anemiya
✅leykoz
✅bas-moyın ragi
✅asqazan-ishek onkologiyası
✅barlıq turdegi onkologiyalıq kesellikleri qıynap atırǵan bolsa, bul KONSULTACIYA tap siz ushın!

Siz, tek ģana bir kún usı jıldıń 30-mart kúni biypul medicinalıq tekseriwlerden ótip, medicinalıq másláhátler alıwıńızǵa boladı

Onkolog konsultaciyası:
📌 Mánzil: Respublikalıq qánigelestirilgen onkologiya hám radiologiya ilimiy-ámeliy medicinalıq orayını Qaraqalpaqstan filialı

Urolog konsultaciyası:
📌 Mánzil: Nókis qalası,
U. Xalmuratov atındaǵı Respublikalıq kóp tarmaqlı medicina orayında ámelge asırıladı

Sonlıqtan, bársheńizdi óz densawlıǵıńızǵa biypárwa bolmay, usınday imkaniyattan paydalanıp qalıwǵa shaqıramız!

QR Densawlıqtı saqlaw ministrligi
Málimleme xızmeti