Buxara wálayatı medicina xızmetkerleri Qaraqalpaqstan Respublikasınıń Xojeli rayonında óz jumısın dawam ettirmekte.
✅ Tájiriybe arttırıw hám xalıqtıń salamatlıǵın jaqsılaw maqsetinde bir neshe kúnnen berli Buxara wálayatı densawlıqtı saqlaw basqarması basshılıǵındaǵı maman qánigeler orınlarda biypul medicinalıq tekseriwler ótkerip kelmekte.
Házirgi waqıtta medicinalıq tekseriwler Xojeli rayonındaǵı rayonlıq kóp tarmaqlı oraylıq poliklinikasınıń 2-filialında shólkemlestirilgen bolıp, bul xalıq ushın úlken qolaylıq jaratpaqta. Uzaq jerge barıw zárúrligisiz, jergilikli puqaralar tar sheńberdegi qánigeler tárepinen tekseriwden ótip, óz salamatlıǵı haqqında áhmiуetli maǵlıwmatlarǵa ie bolmaqta.
Sonday-aq, shıpakerler tárepinen olarǵa zárúr usınıslar berilmekte.
✅Bunday baslamalar xalıq arasında medicinalıq mádeniyattı asırıwǵa, keselliklerdi erte anıqlaw hám nátiyjeli emlewge xızmet etedi. Sonday-aq, medicinalıq tekseriwler orınlardaǵı medicina mákemeleriniń jaǵdayın úyreniw hám olardıń nátiyjeliligin arttırıwǵa da járdem beredi.
Shıpakerler aymaqlardaǵı medicinalıq xızmet sapasın arttırıw, xalıqqa tez hám sapalı járdem kórsetiw maqsetinde óz jumısın izbe-izlik penen alıp barmaqta.
