Aldın xabar bergenimizdey, 2026-jıl 2-7-noyabr kúnleri Ózbekstan Respublikası Prezidentiniń 2025-jıl 3-noyabrdegi xalıqtıń salamatlıǵın náshebentlik hám narkojınayachılıqtan qorǵawǵa qaratılǵan PP-207-sanlı Pármanınıń orınlanıwı boyınsha Qaraqalpaqstan Respublikasında úyreniw jumısları alıp barılmaqta.

Búgin úyreniwler Shomanay rayonlıq medicina birlespesi, onıń kóp tarmaqlı oraylıq poliklinikası hám Respublikalıq qıstawlı medicinalıq járdem orayı Qaraqalpaqstan Respublikası filialı Shomanay rayonlıq bóliminde dawam ettirildi.

Úyreniw dawamında náshebentlik quralları hám psixotrop zatlardı tasıw, saqlaw, medicinalıq ámeliyatta qollanıw hám belgilengen tártipte joq etiw menen baylanıslı jumıslar kózden ótkerildi.

Sonday-aq, Pármanda belgilengen wazıypalardıń orınlanıwı, bar mashqalalar hám olardı saplastırıw boyınsha ámelge asırılıp atırǵan jumıslar tallandı.

Bul úyreniwler narkologiya xızmetiniń jumısın jetilistiriw, náshebentlik quralları hám psixotrop zatlardıń aylanısı ústinen qadaǵalawdı kúsheytiw jáne xalıqtıń salamatlıǵın qorǵawǵa qaratılǵan.