Hududiy  filiallar  amaliyotiga  tibbiy  yordamning  zamonaviy  usullari  va texnologiyalarini  joriy  etish,  joylardagi  mutaxassislarga  zarur  profilaktik  tadbirlarni tashkil etishda uslubiy-amaliy yordam ko‘rsatish maqsadida, Respublika ixtisoslashtirilgan kardiologiya ilmiy-amaliy  tibbiyot markazi direktori, professor Xurshid Fazilov boshchiligida bir qator tajribali shifokorlar Qoraqalpogʻiston Respublikasiga tashrif buyurdi.

Malakali shifokorlar bugun yurak-qon tomir  kasalliklarining  oldini  olish  va  davolash  sifatini  oshirish maqsadida Xoʻjayli tumani tibbiyot birlashmasida bo‘lib bemorlarni bepul tekshiruvdan o‘tkazdi va tegishli ko‘rsatmalar berdi.

Shuningdek, birlamchi bo‘g‘indagi shifokorlarga yuqoridagi kasalliklarni erta aniqlash va ularning oldini olish (profilaktikasi) mavzusida seminar-trening o‘tkazildi.

Ertaga, 11-aprel kuni ushbu guruh Chimboy tumani tibbiyot birlashmasiga tashrif buyurishini ma’lum qilamiz.