Өзбекстанға денсаўлықты сақлаў системасын қаржыландырыў ҳәм емлеўхана менеджменти бойынша Германияның халықаралық бирге ислесиў жәмийетиниң (GIZ) “Өзбекстанда денсаўлықты сақлаў стратегиясын амелге асырыўды қоллап-қуўатлаў” жойбары тийкарында ўәкиллер Лайош Ковач, Турал Гулу, Шерзодбек Инаковлар Қарақалпақстан Республикасына келди.

Жәмийет ўәкиллери сапары даўамында Қарақалпақстан Республикасы Денсаўлықты сақлаў министрлигинде мийманда болып, Қарақалпақстан Республикасы Денсаўлықты сақлаў министриниң биринши орынбасары А.Асқаров ҳәм Мәмлекетлик медициналық қамсызландырыў қоры Қарақалпақстан Республикасы аймақлық бөлими хызметкерлери менен ушырасты.

Ушырасыўда Мәмлекетлик медициналық қамсызландырыў қоры Қарақалпақстан Республикасы аймақлық бөлими тәрепинен мәмлекетлик медициналық қамсызландырыўды енгизиў бойынша исленип атырған жумыслар бойынша сәўбетлесип, GIZ бенен өз-ара бирге ислесиў мәселелери көрип шығылды.

ҚР Денсаўлықты сақлаў министрлиги
Мәлимлеме хызмети