Densawlıqtı saqlaw hám strategiyalıq rawajlanıw institutı Qaraqalpaqstan Respublikası aymaqlıq bólimi tárepinen “Medicinada áhmiyetli 90 kún” baģdarlaması sheńberinde, sonda-aq, Prezidenttiń 19.05.2025-jıldaǵı “Respublikada Densawlıqtı saqlaw sistemasın hám xalıqqa medicinalıq xızmet kórsetiw principlerin jetilistiriw arqalı tarawdı reformalawdı izbe-iz dawam ettiriw ilajları haqqında”ǵı PP-88-sanlı Pármanı, “Densawlıqtı saqlaw sistemasında reformalardı ámelge asırıwdıń qosımsha ilajları haqqında”ǵı PQ-185-sanlı qararı orınlanıwın támiyinlew maqsetinde “Salamat turmıs tárizin qáliplestiriw” atamasında oqıw seminarları ótkerilmekte.

Gezektegi seminar Nókis qalası “Samanbay” MPJda Nókis qalası medicina birlespesiniń juwapker medicina xızmetkerleri hám aymaq puqaraları ushın shólkemlestirildi.

Seminarda I hám II qáwip toparına tiyisli xalıq arasında salamat turmıs tárizi hám kesellikler profilaktikası boyınsha túsindiriw jumısları alıp barıldı.

Sonday-aq, dene salmaǵı indeksin esaplaw, qantlı diabet 2-túri hám júrek-qan tamır kesellikleri qáwpin anıqlaw boyınsha telegram-botları hám mobil qosımshaları, sonday-aq, “Salamat bolayıq” platforması, jasalma intellekt járdemshisi menen qalay islew kerek ekenligi úyretildi.