Densawlıqtı saqlaw ministrligi “Salamat turmısqa qaray!” Salamatlıq marafonına start berdi.
Keselliklerdiń aldın alıw hám salamat turmıs tárizin úgit-násiyatlawǵa qaratılǵan bul akciya Nókis qalasında 2-oktyabr kúni baslanıp 31-oktyabrge shekem dawam etedi.
✅Marafon sheńberinde Nókis qalasınıń xalıq kóp jıynalatuǵın orınlarında “Salamatlıq maydanshaları” shólkemlestirilip, bul mánzillerde salamat turmıs tárizi hám durıs awqatlanıwdı úgit-násiyatlawǵa baylanıslı hár qıylı akciyalar shólkemlestirilgen.
Sonday-aq, bul orınlarda puqaralardıń qan basımı, dene salmaģí, boyı ólshenip medicinalıq túsinikler berilmekte.
Óz densawlıǵıńızǵa itibarsız bolmań!
Salamat turmıs tárepke isenimli qádem taslań! Marafonda qatnasıń!
QR Densawlıqtı saqlaw ministrligi
Málimleme xızmeti
