Respublikalıq Densawlıqtı saqlaw ministrligi Korrupciyaǵa qarsı ishki qadaǵalaw bóliminiń Qaraqalpaqstan Respublikası boyınsha bas qánigesi R.I.Nurimbetov,  Beruniy rayonlıq medicina birlespesiniń juwapker xızmetkerleriniń qatnasıwında Beruniy rayonlıq medicina birlespesinde jumıs alıp barıp atırǵan xızmetkerleri arasında ushırasıw ótkerilip, olarǵa Mámleketimiz basshısınıń 2025-jıl 26-dekabrdegi Oliy Majlis hám kóp milletli xalqımızǵa jollaǵan Múrájatında belgilengen 6 tiykarǵı wazıypanı ámelge asırıwda 2026-jıldı korrupciyaǵa qarsı ayrıqsha jaǵday jılı dep járiyalanǵanına ayrıqsha toqtap ótti. Sonıń menen birge, korrupciyaǵa qarsı gúresiw sistemasın jetilistiriwge baylanıslı 2025-jıl 30-dekabrdegi 270-sanlı pármanı, sonday-aq, PQ-147 hám PQ-336-sanlı qararlarınıń mazmun-mánisi túsindirilip, Prezidentimizdiń korrupciyaǵa qarsı alıp barıp atırǵan mámleketlik siyasatına hár bir xızmetker hadal hám pák miyneti menen óz úlesin qosıwı kerek ekenligi aytıp ótildi.

Sóylesiw dawamında medicina hám farmacevtika xızmetkerlerin qollap-quwatlawǵa qaratılǵan PQ-336-sanlı qararı menen berilgen jańa jeńillikler, atap aytqanda, taraw wákilleriniń materiallıq mápdarlıǵın arttırıw hám olarǵa múnásip miynet sharayatların jaratıw ilajları keńnen sáwlelendirildi. Ministrliktiń korrupciyaǵa qarsı gúresiw boyınsha xalıqaralıq ISO 37001:2025 sertifikatın qolǵa kirgizgeni sistemada ádillik normaları ornatılıp atırǵanınıń ayqın dálili sıpatında tán alındı.