Búgingi kúnde mobil qurılmalar kishi jaslı balalardıń ardaqlı oyinshig’ina aylanıp qalǵan. Hátte ata-analar perzentiniń túrli ınjıqlıqların tınshitiw ushın da qolına telefon berip qoyıp atır. Smartfondaǵı túrli oyınlar bolsa balalardıń ruwxıyatina unamsiz tásir etip atır.

Biraq soǵan qaramay, keyingi waqıtta jaslarımız ómirin telefonsız, kompyuter hám internetsiz  sawlelendire almay qaldı. Tuwrı, XXI ásir informaciya texnologiyaları, innovatsiyalar asri. Bıraq jaslarımız kóp waqtın ekran aldında ótkerip atirganligi olardıń ruxiyatina hám fizikalıq salamatlıǵına unamsız tásir kórsetip atır
Pútkil dunya Den sawlıqtı saqlaw shólkemi tárepinen telefonǵa baylanip qaliw kesellik dárejesinde qaralip atirganlig’inin’ sebebi de sonda. Balalarda telefonǵa ǵárezlilik fizikalıq salamatlıqqa unamsiz tásir etiwi menen birge, onıń ruxiy rawajlanıwın’ keskin ózgertirip jiberiwi múmkin.

Sonıń menen birge, mobil qurılmalar nerv sistemasınıń jemiriliwine, insan miyinde túrli isikler hám o’simteler payda bolıwına alıp keledi. Qalaberse, bunday insanlarda uyqısızlıq, bas awrıwı, eslew qabilletinin’ tómenlewi menen baylanıslı túrli keselliklerge shalınıwshılar kóp ushraydı.

Tamara Ganieva,

Salamatlıq hám strategiyalıq rawajlanıw institutı Nókis qalalıq bólimi shıpakeri