Qaraqalpaqstan Respublikası Densawlıqtı saqlaw ministrligi tárepinen medicina tarawında xalıqaralıq birge islesiwlerdi jolǵa qoyıw hám sırt el tájiriybesin elimizge alıp kiriw boyınsha bir qatar unamlı ilajlar ámelge asırılmaqta.
Densawlıqtı saqlaw tarawında sırt el klinikaları menen birge islesiw jolǵa qoyılıp, sheriklik baylanısları ornatıldı.
Usı jılı da densawlıqtı saqlaw tarawında sırt mámleketler menen xalıqaralıq baylanıslardı ornatıw jolǵa qoyılıp, usınday birge islesiwler nátiyjede elimizde sırt eldiń tájiriybeli shıpakerleri tárepinen biypul medicinalıq tekseriwler, quramalı operaciyalar ámelge asırılmaqta.
Usınday ámeliy ilajlardı dawam ettiriw maqsetinde Qaraqalpaqstan Respublikası Densawlıqtı saqlaw ministrliginiń baslaması menen medicina tarawı eń jaqsı rawajlanǵan mámleket Hindstan mámleketiniń Deli qalasındaǵı eń abroylı dúnyaǵa belgili bolǵan «BLK-Max» emlewxanasınıń tájiriybeli shıpakerleri tárepinen biypul medicinalıq tekseriwler shólkemlestiriliwi rejelestirilgen.
Sonlıqtan, eger sizde:
Neyroxirurg-nevropatolog shıpakerine:
bas awırıwı;
epilepsiya;
nevrologiyalıq ensefalopatiya;
Este saqlaw páseyiwi;
autizm kesellikleri boyınsha,
Gepatolog-gastroenterolog shıpakerine:
hálsizlik;
ishteysizlik;
asqazan-ishektegi awırıwlar;
teri reńiniń sarǵayıwı;
qandaǵı gepatit;
kóp kekiriw;
awqattıń sińbewi;
tis qanawı;
qan ketiw qáwpi;
qarın isiwi;
qarında suw jiynalıwı;
miydegi ózgeris, este saqlaw joǵalıwı;
nerv sisteması menen baylanıslı awır mashqalalar boyınsha.
Onkolog shıpakerine:
turaqlı kúshli dene awırıwı;
murın qanawı;
qusıw;
hálsizlik;
turaqlı sharshaw;
awqat jemew;
shash túsiwi;
dem alıwdaǵı qıyınshılıq;
hawa jetispewshiligi;
júre almaw kesellikleri boyınsha
Ortoped-travmatolog shıpakerine:
tuwma nuqsanlıq;
turaqlı ayaq awırıwı;
júriwdegi mashqala;
súyektegi kúshli awırıwlar;
súyek sınıwı;
qol ayaqta isik;
awır jaraqat alıw;
jelkeniń shıǵıwı kesellikleri boyınsha biypul medicinalıq tekseriwlerden ótip, medicinalıq másláhátler alıwıńızǵa boladı.
Bul iláj, usı jıldıń 23-24-sentyabr kúnleri Respublikalıq qánigelestirilgen onkologiya hám radiologiya ilimiy-ámeliy medicinalıq orayınıń Qaraqalpaqstan filialında hám de Respublikalıq qıstawlı medicinalıq járdem ilimiy orayı Qaraqalpaqstan filialında bolıp ótedi.
Sonlıqtan, bársheńizdi óz densawlıǵıńızǵa biypárwa bolmay, usınday imkaniyattan paydalanıp qalıwǵa shaqıramız!
QR Densawlıqtı saqlaw ministrligi
Málimleme xızmeti
