Ózbekstan Respublikası Prezidentiniń 2023-jıl 11-sentyabrdegi PQ-158-sanlı Pármanı menen tastıyıqlanǵan «Ózbekstan-2030» strategiyasında belgilengen baslı wazıypalardıń mazmun-mánisin miyirbiykeler arasında keńnen en jaydırıw, xalıq arasında húrmetke ılayıq bolǵan hám óz kásibine pidayı bolǵan miyirbiykelerdi qollap-quwatlaw, bunday medicina xızmetkerleriniń bilimin arttırıw hám olar arasında básekini támiyinlewdi shólkemlestiriw maqsetinde: Qaraqalpaqstan Respublikası boyınsha «Aǵla miyirbiyke-2025» tańlawınıń Respublikalıq basqıshı bolıp ótti.
Tańlawǵa Nókis qalası hám rayonlıq medicina birlespelerinen 12 qatnasıwshı qatnasıp, óz bilim hám shaqqanlıqların sınaqtan ótkerdi.
Tańlaw juwmaǵında:
1-orın Ámiwdárya rayonlıq medicina birlespesi miyirbiykesi Maftuna Marksova,
2-orın Shımbay rayonlıq medicina birlespesi miyirbiykesi Mehriban Otebaeva
3-orın Respublikalıq kóp tarmaqlı medicina orayı miyirbiykesi Juldız Joldasbaevalar jeńimpaz dep tabıldı.
Jeńimpazlar Qaraqalpaqstan Respublikası Densawlıqtı saqlaw ministrligi hám Ózbekstan densawlıqtı saqlaw xızmetkerleri kásiplik awqamınıń Qaraqalpaqstan Respublikası keńesiniń birgeliktegi tiyisli dárejedegi diplomları hám bahalı sawǵaları menen sıylıqlandı.
Sonday-aq, tańlawdıń barlıq qatnasıwshılarına Ózbekstan Miyirbiykeler associaciyası Qaraqalpaqstan bólimi tárepinen bahalı sawǵalar tapsırıldı.
Tańlaw jeńimpazı Maftuna Marksova «Aǵla miyirbiyke-2025» tańlawınıń Ózbekstan Respublikası basqıshına jollamanı qolǵa kirgizdi.
Tańlaw koncert baǵdarlaması menen dawam etti.
QR Densawlıqtı saqlaw ministrligi
Málimleme xızmeti
