Búgin Qaraqalpaqstan Respublikası Densawlıqtı saqlaw ministrliginde Ashıqlıq indeksi indikatorların nátiyjeli jolǵa qoyıw máselelerine baǵıshlanǵan májilis bolıp ótti.
Májiliske Qaraqalpaqstan Respublikası Densawlıqtı saqlaw ministrligi Komplayens hám korrupciyaǵa qarsı ishki qadaǵalaw basqarmasınıń Qaraqalpaqstan Respublikası boyınsha bas qánigesi R.Nurımbetov basshılıq etti.
Dodalaw dawamında Ashıqlıq indeksi sheńberinde belgilengen indikatorlardıń mazmun-mánisi, olardıń orınlanıwın támiyinlew, bar kemshiliklerdi anıqlaw hám saplastırıw, ashıq maǵlıwmatlardı ministrliktiń veb-saytına óz waqtında hám tolıq jaylastırıw máselelerine ayrıqsha itibar qaratıldı.
Sonday-aq, indikatorlar boyınsha maǵlıwmatlardıń tolıqlıǵı, haqıyqıylıǵı, áhmietliligi hám jámiechilik ushın ashıq-aydınlıǵın támiyinlew zárúr ekenligi atap ótildi.
Májilis juwmaǵında ministrliktiń tiyisli bólimlerine Ashıqlıq indeksi indikatorları boyınsha belgilengen talaplardı úyreniw, bar kemshiliklerdi saplastırıw, zárúr maǵlıwmatlardı qáliplestiriw hám óz waqtında orınlawdı támiyinlew boyınsha tiyisli tapsırmalar berildi.
