Xabarıńız bergenimizdey, 6-10-may kúnleri respublikalıq Jumısshı topar tárepinen puqaralardıń múrájatları hám xalıqtı qıynap kiyatırǵan mashqalalarına sheshim tabıw boyınsha orınlarda kóshpeli qabıllawlar ótkeriliwi belgilengen.

Rejege tiykarlanıp, búgin Qanlıkól rayonında Moynaq, Shomanay, Qanlıkól, Qońırat rayonları puqaraları ushın kóshpeli qabıllawlar ótkerilip, onda sud-huqıq, sociallıq-ekonomikalıq hám qurılıs jáne kommunallıq tarawlar boyınsha máseleler kórip shıǵıldı.

Kóshpeli qabıllawda Ózbekstan Densawlıqtı saqlaw ministrliginen juwapker xızmetker Umrbek Musaev hám QR Densawlıqtı saqlaw ministrligi juwapkerleri tárepinen puqaralardıń medicina tarawına baylanıslı mashqalaları tıńlandı.

Múrájatlerdıń kópshiligi unamlı sheshim tapqan bolsa, ayırımlarına túsinik berildi.

Maǵlıwmat ushın, rejege tiykarlanıp, 8-may kúni Shımbay rayonında Qaraózek, Shımbay, Taxtakópir hám Kegeyli rayonları puqaraları ushın kóshpeli qabıllawlar ótkeriledi.