Puqaralardıń múrájatların tıńlaw arqalı tarawlardaǵı mashqalalardı úyreniw, xalıqtıń tilek-ótinishlerine sheshim tabıw maqsetinde orınlarda ótkerilip atırǵan ushırasıwlar dawam etpekte.

Búgin Xojeli rayonlıq medicina birlespesiniń baslıǵı Ixlas Palwanov tárepinen rayon turǵınları ushın jeke qabıllaw ótkerildi.

Maqset – xalıqtı oylandırıp kiyatırǵan hám sheshimin tappay atırǵan medicinaǵa baylanıslı máselelerdi úyreniw hám olarǵa nızam sheńberinde tiyisli sheshim tabıwdan ibarat.

Qabıllawda jámi 50 den aslam puqaranıń múrájatı tıńlanıp, sonnan 7 puqaranıń múrájatı boyınsha huqıqıy túsinikler berildi, 12 puqaranıń múrájatı óz ornında sheshimin taptı, 9 múrájat boyınsha waqıt talap etiletuǵın bolǵanlıqtan úyreniwge qaldırıldı, sonday-aq, jumıs, dári-dármaq, mayıplıǵı boyınsha toparǵa shıǵarıwın soraǵan jámi 24 puqaraǵa tiyisli másláhátler berildi.

Bunnan tısqarı, qabıllaw dawamında medicina xızmetkerleri de tarawǵa baylanıslı múrájatların aytıp, pikir-usınısların bildirdi.