Kesellikler profilaktikası hám salamat turmıs tárzi úgit-násiyatına qaratılǵan bul akciya arqalı aymaqta jasawshı puqaralar 28-noyabrge shekem skriniń hámde profilaktikalıq tekseriwler menen qamtıp alınadı.

Medicinalıq tekseriwler Xojeli rayonlıq medicina birlespesi kóp tarmaqlı poliklinikasında bolıp ótpekte.

Bul processke jergilikli shıpakerler hám miyirbiykeler menen birge, Respublika qánigelestirilgen medicina oraylarınan jetekshi qánigeler tartılǵan.

Sonıń menen birge jámiyetlik orınlarda shólkemlestirilgen “Salamatlıq maydanshaları”nda salamat turmıs tárizi úgit-násiyatına baylanıslı ilájlar, antropometriya, qan basımı hám puls ólshew sıyaqlı tekseriwler ámelge asırılmaqta.