Respublikalıq qánigelestirilgen ruwxıy salamatlıq ilimiy-ámeliy medicina orayınıń psixiatriya xızmeti boyınsha Qaraqalpaqstan Respublikası filialında 1-noyabrden 1-dekabrge shekem “Salamat turmısqa qaray birgelikte” súreni astında AIJS-Infekciyasına qarsı gúresiw, сондай-ақ, respublikamızda gripp hám ótkir respirator infekciyanıń xalıq arasında epidemiyalıq túrde tarqalıp ketiwiniń aldın alıw maqsetinde emlewxanada tiyisli qánigeler menen ushırasıw bolıp ótti.
Ushırasıwǵa emlewxana direktorınıń orınbasarı Zuxra Madreymova, AIJSqa qarsı gúresiw orayınıń shıpakeri Baxadır Shadenbaev, Nókis qalalıq sanitariya epidemiologiya tınıshlıq hám salamatlıq bóliminiń shıpakeri Kurbangúl Esimbetova hám emlewxananıń shıpaker, miyirbiykeleri qatnastı.
Ilajda shıǵıp sóylegenler kún tártibindegi máselelerge toqtap ótip, kesellikke qarsı ilajlar haqqında aytıldı. Ilaj qatnasıwshıları ózleriniń qızıqtırǵan sorawlarına tiyisli qánigelerden juwaplar aldı.
