8-dekabr – “Ózbekstan Respublikası Konstituciyası qabıl etilgen kún” hám 9-dekabr – “Xalıqaralıq korrupciyaǵa qarsı gúresiw kúni” múnásibeti menen Respublikalıq qánigelestirilgen endokrinologiya ilimiy-ámeliy medicina orayı Qaraqalpaqstan filialında ilaj ótkerildi.

Onda  Qaraqalpaqstan Respublikası Densawlıqtı saqlaw ministrliginiń yurust consultantı hám oraydıń medicina xızmetkerleri qatnastı.

Ilajda sózge shıqqanlar korrupciyaǵa qarsı gúresiw baǵdarında ámelge asırılıp atırǵan jumıslar sonday-aq, korrupciyalıq jaǵdaylardıń aldın alıw, jámiyetshilik arasında korrupciyanıń unamsız aqıbetleri hám nızamda belgilengen jaza normaları haqqında tolıq maǵlıwmatlar berip, bársheni bunday illetlerden awlaq júriwge shaqırdı.

Sonday-aq, hár bir medicina xızmetkeri óz iskerligi dawamında kásiplik etikaǵa, hadallıq hám ashıq-aydınlıq principlerine qatań ámel etiwi haqqında da sóz boldı.