Shımbay rayonlıq densawlıqtı saqlaw bólimine qaraslı tuwıw kompleksinde «Ana sútiniń áhmiyeti» atamasındaǵı seminar-trening bolıp ótti.

Onda rayon hákiminiń orınbasarı, Shańaraq hám hayal-qızlar bólimi baslıǵı G.Mambetniyazova, Qaraózek rayonı tuwıw bólimi neonatolog shıpakeri G.Jaybergenova, rayonlıq tuwıw bólimi shıpakerleri, orta buwın medicina xızmetkerleri qatnastı.

Ilaj barısında jańa tuwılǵan náresteni ana súti menen azıqlandırıwdıń áhmiyeti, hár bir anaǵa berilgen bul biybaha inámnıń náresteniń hár tárepleme saw-salamat bolıp ósiwindegi áhmiyeti haqqında bir qansha maǵlıwmatlar berilip, pikir, usınıslar tıńlandı.