Ózbekstan Respublikası Prezidentiniń 2025-jıl 19-iyundaǵı “Mámleketlik puqaralıq xızmetin jańa qatnasıqlar tiykarında shólkemlestiriw jáne professional hám nátiyjelilikke baǵdarlanǵan mámleketlik xızmetkerler korpusın qáliplestiriw ilajları haqqında”ǵı PP-95-sanlı Pármanına tiykar mámleketlik xızmetkerleri jılına keminde bir márte medicinalıq tekseriwden ótkerip barıladı.
Yaǵnıy, mámleketlik xızmetkerler óz-ara kelisim tiykarında jasaw ornındaǵı baslanǵısh medicinalıq-sanitariyalıq járdem mákemelerinde profilaktikalıq medicinalıq tekseriwden ótkeriledi.
Bul baǵdardaǵı ilajlar barlıq qala, rayon medicina birlespelerinde 2026-jıl 1-yanvardan baslap, mámleketlik xızmetkerlerdiń profilaktikalıq medicinalıq tekseriwleri ótkeriliwi; ámelge asırılǵan medicinalıq tekseriw nátiyjeleri mámleketlik xızmetkerlerdiń “Elektron densawlıqtı saqlaw” málimleme sisteması DMED baǵdarlamasındaǵı “Elektron kartası”nda qáliplestiriliwi belgilengen.
Xojeli rayonlıq medicina birlespesinde de mámleketlik xızmetkerlerdiń profilaktikalıq medicinalıq tekseriwleri joqarı dárejede shólkemlestirilip, belgilengen tártipte ámelge asırılmaqta.
