Respublikamızda medicina tarawında sırt mámleketler menen birge islesiw jumısları jetilistirilip, xalıqtıń salamatlıǵın qorǵaw boyınsha zaman talapları tiykarında jańalıqlar engizilmekte.
Sońǵı jılları Ózbekstan Respublikası hám Izrail mámleketi sırtqı isler ministrliginiń “MASHAV” agentligi arasında birge islesiw jumısları jedel rawajlanbaqta. Ásirese, agentliktiń medicina tarawında alıp barıp atırǵan keń kólemli jumıslarınıń nátiyjesinde jolǵa qoyılǵan joybarları óziniń unamlı nátiyjesin berip atır.
Usınday joybarlar Qaraqalpaqstandaǵı “Mehirli insanlar” qorı tárepinen ámelge asırılıp, Xojeli rayonı Balalar ftiziatriya sanatoriyasında emlew dene tárbiya xanası shólkemlestirilip, kerekli úskeneler menen támiyinlendi.
Qordıń wákilleri bul sanatoriyada bolıp, nawqaslarǵa jaratılǵan imkaniyatlar menen tanıstı. Sonday-aq, óz gezeginde nawqaslar hám olardıń ata-anaları da bul jaratılǵan sharayatlardan qanaatlanıp, kelgen miymanlarǵa óz minnetdarshılıǵın bildirdi.
– Bul jaratılǵan sharayatlar óz gezeginde sanatoriyamızda emlenip atırǵan balalardıń tezirek sawalıp ketiwine járdem beredi, – deydi Xojeli rayonı Balalar ftiziatriya sanatoriyasınıń bas shıpakeri Genjemurat Babajanov
