Búgin biz sóz etpekshi bolǵan Densawlıqtı saqlaw ministrligi kitapxanası 1977-jıldan berli jumıs islep kelmekte, házirgi waqıtta bul kitapxana aǵartıwshılıq hám tárbiya oshaǵına, nuranıylar hám jaslardıń salamatlıǵın bekkemleytuǵın, jedel pikirlesiwler alıp baratuǵın orınǵa aylanıp qaldı.

Bul jerde tek ǵana medicina tarawı wákilleri emes, al student jaslar da óz bilim hám kónlikpelerin arttırıwı, mazmunlı dem alıp, waqtın mazmunlı ótkeriwi ushın barlıq qolaylıqlar jaratılǵan. Kitapxanada házirgi waqitta 10 000 nan artıq kitaplar hám 5000 nan artıq kitaplardıń elektron variantı bar.

Prezidentimiz Sh.Mirziyoev: «Kitap oqımaǵan insannıń da, millettiń de keleshegi joq» degenindey, álbette kitap oqıw arqalı ruwxıy sanamız, pikirlewimiz, sóylew mádeniyatımız, jámiyetke bolǵan kózqarasımız ósedi.

– Medicina tarawında kóplegen jaslar qatarında nuranıylarımız da bar. Olar ózleriniń kóp jıllıq miyneti menen xalqımızǵa xızmet etip kelgen. Mine, usı nuranıylarımız benen kitapxanamızda turaqlı túrde «Úsh áwlad ushırasıwı», «Jaslar hám nuranıylar» temasındaǵı ushırasıwlar ótkerilip kelinbekte. Álbette, bul ushırasıwlar kitapqumar jaslardıń medicina tarawına bolǵan qızıǵıwshılıǵın, kitapqa bolǵan mehirin jáne de oyatadı, – deydi kitapxana meńgeriwshisi Minayim Bekbaeva.

Bul kitapxananı telegram tarmaǵında https://t.me/med_libra siltemesi arqalı baqlap barıwıńız múmkin.

Bobur Hamroqulov, Og‘abek Bozorboyev

QMU Qaraqalpaq filologiyası hám jurnalistika fakulteti, Málimleme xızmeti hám jámiyetshilik penen baylanıslar toparı 1-kurs studentleri