Qaraqalpaqstan Respublikası Densawlıqtı saqlaw ministrligi tárepinen medicina tarawında xalıqaralıq birge islesiwlerdi jolǵa qoyıw hám sırt el tájiriybesin elimizge alıp kiriw boyınsha bir qatar unamlı ilajlar ámelge asırılmaqta.

Densawlıqtı saqlaw tarawında sırt el klinikaları menen birge islesiw jolǵa qoyılıp, sheriklik baylanısları ornatıldı.

Mine, usı jılı da densawlıqtı saqlaw tarawında sırt mámleketler menen xalıqaralıq baylanıslardı ornatıw jolǵa qoyılıp, usınday birge islesiwler nátiyjede elimizde sırt eldiń tájiriybeli shıpakerleri tárepinen biypul medicinalıq tekseriwler, quramalı operaciyalar ámelge asırılmaqta.

Usınday ámeliy ilajlardı dawam ettiriw maqsetinde Qaraqalpaqstan Respublikası Densawlıqtı saqlaw ministrliginiń baslaması menen medicina tarawı eń jaqsı rawajlanǵan mámleket Hindstan mámleketiniń Deli qalasındaǵı eń abroylı dúnyaǵa belgili bolǵan «BLK-Max» emlewxanasınıń tájiriybeli shıpakerleri (neyroxirurg-nevropatolog, gepatolog-gastroenterolog, onkolog hám ortoped-travmatolog) tárepinen biypul medicinalıq tekseriwler ótkerilip, medicinalıq másláhatler berilmekte.

Bul iláj, erteń 24-sentyabr kúnide dawam ettirilip, Respublikalıq qánigelestirilgen onkologiya hám radiologiya ilimiy-ámeliy medicinalıq orayınıń Qaraqalpaqstan filialında hám de O.Xalmuratov atındaģı Respublikalıq kóp tarmaqlı medicina orayınıń poliklinikasında ámelge asırılatuģınlın málimleymiz.

Sonlıqtan, bársheńizdi óz densawlıǵıńızǵa biypárwa bolmay, usınday imkaniyattan paydalanıp qalıwǵa shaqıramız!